Вынікі · 18 лістапада 2026
Што было ў першым наборы
Паўгода, тры сустрэчы і каля дзесяці выпускні_ц. Коратка пра тое, як працаваў першы набор Supratsa і чаму ён нас навучыў
Першы набор быў камерны. Ён пачаўся пасля сустрэчы ў Берліне ў маі 2026 года: у праграму прыйшлі тыя, хто хацеў працягнуць працу. Далей было паўгода практыкі з ментарамі і яшчэ дзве сустрэчы.
Берлін, май
Тры дні пад назвай «Human in the Loop: Between Versions». Гаварылі пра трэнды і рэгуляванне штучнага інтэлекту (ШІ), разбіралі ШІ-агентаў на практыцы, а асобную сесію прысвяцілі няўдачам і памылкам пры ўкараненні. Апошні дзень быў лабараторыяй: тэматычныя станцыі і праца ў групах.
Лісабон, верасень
Сустрэча пра лічбавую ўстойлівасць. Працоўныя групы глядзелі на аўтаматызацыю на трох узроўнях: асабістая праца, каманда, уся арганізацыя. І асобна на тое, якія новыя рызыкі яна прыносіць. Вучыліся мадэляваць пагрозы на рэальных кейсах.
Барселона, кастрычнік
Раніцамі хадзілі на сесіі Mozilla Festival: атакі на ШІ-ботаў, адкрыты ШІ на сваіх серверах, маленькія мадэлі замест гіганцкіх. Пасля абеду займаліся сваёй практыкай бяспечнага ўкаранення ШІ.
Што мы забіраем у другі набор
- Больш практыкі і больш працы з ментарам: дзеля гэтага людзі і прыходзяць
- Свая задача з першага дня
- Размова пра рызыкі і даныя ўнутры кожнай задачы
- Пасля праграмы яшчэ паўгода падтрымкі
Гісторыі каманд першага набору апублікуем, калі каманды іх узгодняць. Падрабязней пра сустрэчы на старонцы «Сустрэчы».